Младите ,,пандевци’’ на мегдан со врсниците на Партизан и Сараево на престижeн турнир во Златибор

916

Младинскиот состав на ,,Академија Пандев’’ доби покана да учествува на третото издание на престижниот ,,Soccerbet Kupа prijateljstva’’ кој од 1 до 6 јуни ќе се одигра во Златибор соседна Србија. Станува збор за турнир на кој ќе учествуваат 12 екипи од поранешна Југославија а младите ,,пандевци’’ се најдоа во групата А каде силите ќе ги одмерат со своите врсници на белградски Партизан и Сараево од Босна и Херцеговина

Тимот предводен од Александар Стојанов и Мартин Алаѓозовски, утре во утринските часови заминуваат за Златибор каде ќе дебитираат на овој регионален турнир КУП на фудбалското пријателство кој има за цел да ги презентира младите надежи од Србија, Црна Гора, Босна и Македонија.

,,Заминуваме со фудбалерите генерација 2003 кои сериозно чукаат на портите на првиот состав на Академија Пандев. Ни преставува чест што ја добивме поканата од овој КУП и за првпат ќе учествуваме на истиот. Одиме да се преставиме во најдобро светло. Да го преставиме клубот  на регионално ниво но и да го презентираме нашиот потенција да докажеме дека и во Македонија квалитетно се работи со младинските погони. Лично се надевам на пласман во четврт финалето бидејки со една победа во групата правиме чекор во следната фаза. Во вторник играме со младите на Партизан додека во среда со младите на Сараево. Наше е да одиграме како што се подготвувавме и да пристапиме кон противниците без респект,, ни изјави стратегот Александар Стојанов

На Купот на пријателството во Златибор освен трите екипи од групата А учествуваат и тимовите на Црвена Звезда, Железничар и ОФК Титоград кои се во групата Б, Динамо Загреб, Борец Бања Лука и Спартак Суботица кои се во групата Ц и во групата Д се тимовите на Војводина, Слобода Тузла и Слобода од Ужице.

За Златибор заминуваат вкупно 20 фудбалери и тоа Ѓорги Трајков, Самуил Талевски, Благој Карамучев, Мирче Стоилов, Мартин Талаков, Ване Крстевски, Васко Глигоров, Иван Борисовски, Давор Огненовски, Димитар Трајков, Адам Зимбаков, Мартин Ѓеоргиевски, Дарко Стојановски, Андреј Груевски, Мартин Шутевски, Кире Стојанов, Андреј Стојчевски, Никола Трајков, Александар Смилков и Стојан Ѓеоргиев

Доколку пандевци ја поминат групата односно обезбедат пласман на првите две места, во четвртиналето ќе се сретнат со првопласираните две од групата Ц. Досегашни победници на овој КУП се екипите на Црвена Звезда, Динамо Загреб и Војводина. Инаку сите мечеви ќе бидат пренесувани на спортскиот канал Спорт клуб. Пандевци со Партизан играат во вторник во 13 часот додека во среда со Сараево во 17 часот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.