Младите од прекуграничниот регион на Југоистокот со Грција ќе имаат можност да учат и креираат бизнис проекти

301

Преку работилници и иновативни кампови младите од пограничните региони на Македонија и Грција ќе креираат бизнис проекти кои треба да им овозможат самовработување или поголема конкурентност на пазарот на труд. За реализација на нивните идеи поддршка ќе добиваат од Центарот за развој на Југоисточниот плански регион кој во соработка со УГД Гоце Делчев и истражувачкиот институт Македонија од соседна Грција формираа деловен екосистем.

Ова беше соопштено на денешната прес конференција во Струмица од страна на Центарот за развој на Југоисточниот плански регион кој го спроведува проектот „Деловен екосистем како интегриран систем – Бе Ин“ од рамките на програмата за прекуграничан соработка меѓу земјава и соседна Грција

,,Поддршката за студентите, невработените лица како и почетниците во бизнисот ќе се реализира преку ораганизација на Камп за претприемништво и иновации. Главната цел на овој камп е да се зголеми претрпиемачкиот дух на младите, сегашните и потенцијалните претприемачи како и да се подобрат нивните претприемачки вештини и компетенции. Како дел од кампот учесниците ќе можат да ги слушнат успешните приказни на претприемачи и ќе опфати практична работа во групи за подготовка на бизнис планови под менторство на обучувачи, консултанти и експерти, информираше Данче Поп Иванова Илиева од Центарот

Преку проектот се овозможува вмрежување и зајакнување на идеите со цел да се намали јазот помеѓу понудата и побарувачката на пазарот на трудот во  прекуграничниот регион.

Проектот Бизнис еко систем како интегриран систем се реализира во рамки  програмата за прекуграничната соработка помеѓу Македонија и Грција. Вкупниот буџет изнесува околу 910 000 евра од кои околу 150 000 се наменети за активностите на македонска страна. Средствата се обезбедени од ЕУ преку Интерег ИПА програмата.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.