Младите од струмичко поставија кутии за донации за Стефан Таушанов низ повеќе локали

2273

Пријатели и другари на струмичанецот Стефан Таушанов, кај кого е дијагностицирана лимфоцитна леукемија и се лекува во Велика Британија, низ повеќе локали во струмичко поставија кутии за донации. Кутиите се поставени се со цел да се соберат колку што е можно повеќе парични средства кои му се неопходни на 32 годишниот Таушанов за да користи  нов и напреден метод за лекување.

Како што не информираа негови пријатели, кутии за донирање парични средства се поставени во Кафе бар 19, Концепт, Que pasa, Salt and pepper, потоа во рестораните Вила парк, Шалом, Пиликатник, Космополит, Лебедово езеро. Иницијаторите на ова граѓанска акција велат дека на вкупно 23 локации се поставени кутии за да можат граѓаните да донираат и да помогнат во лекувањето на Таушанов

,, Секоја парична помош е добредојдена. Се надеваме дека граѓаните но и младите ќе покажат хуманост и ќе подадат рака во желбата Стефан да го реализира лекувањето. Апелираме до сите да ги отворат своите срца и да донираат,, вели Никола Радојчиќ еден од неговите пријатели иницијатори на акцијата.

Донации во вид на парични средства може да се уплаќаат на Go fund me платформата Паралелно отворени се и сметки за донации за Стефан Таушанов. Парите собрани од струмичани ќе бидат уплатени на веќе објавената сметка за лекување на младиот Таушанов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.