20 тина млади невработeни лица од Југоистокот преку работилници и иновативни кампови што ќе ги организира Центарот за развој на Југоисточниот плански регион ќе може да креираат бизнис проекти и да се самовработат. Меѓу нив е и 21 годишниот Симе Митев од струмичко Радичево. Тој беш присутен на презентацијата на проектот „Деловен екосистем како интегриран систем – Би Ин“ и очекува да ги збогати своите знаења но и да добие помош оти тврди дека на младите им е потребна поддршка но и едукација за да ги реализираат своите идеи во мали бизниси. Апелираше до младите да се охрабрат и да ги користат сите поволности што се нудат за нив
,, Вакви настани ке помогнат на младите да се охрабрат да се собереме на едно местоо и да се запознаеме, да направиме нешто заедничко – иновативно. Кога ке се спојат на едно место таа млада енергија може да произлезат иновативни идеи. Потребна е само храброст да ја предложиш идејата а со овој проект на Центарот за развој на Југоистокот очекувам да го преточам и во бизнис проект за да барам инвеститори ,, рече Симе Митев од струмичко Радичево кој се вклучи во овој проект
Центарот за развој на Југоисточниот плански регион во наредниов период заедно со УГД Штип од македонска страна ќе го реализираат проектот „Бизнис екосистем како интегриран систем“ од програмата за прекугранична соработка со соседна Грција. Целта е да се потикнат младите да бидат покреативни и преку размена на искуства да нудат иновативни бизнис решенија во прекуграничниот регион.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
