Младинскиот фудбалски шампион на Македонија тимот на ФК АП Брера Струмица е прогласен за најдобра младинска екипа на Општина Струмица за минатата година. Тие со титулата учествува и во Младинската Лига на Шампиони на УЕФА каде се сретнаа со Сараево од Босна . Младинците на ОК Струмица го понесоа второто место додека пионерите на ОК Македонија Џио третото.
Тренерот од ФК АП Брера Тони Атанасов кој ги предводеше помладите пионери кои ја освоија двојната круна во ланската натпреварувачка сезона е прогласен за најдобар тренер во младинските категории. Второто место му припадна на Атанас Милев од ОК Струмица додека Алма Хасанова од ОК Македонија Џио го доби третото место како предводник на пионерскиот состав
Одбојкарот Јован Милев кој е и кадетски и младински репрезентативец на Македонија е прогласен за најдобар млад спортист. Второто место му припадна на Живко Крстев од АП Брера Струмица кој постигна 30 гола во дресот на Брера а третото на Слаѓана Ѓоргиева од ЖФК Тиверија Брера. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
