Со официјален хепенинг на кои беа поделени маички со логото на ФК Академија Пандев, фудбалски топки и спортски реквизити, младинските школи на струмичкиот фудбалски прволигаш ги стартуваа подготовките за новата првенствена сезона во која има пријавено екипи речиси во сите конкуренции. Како што не информираше Мартин Алаѓозовски младинските школи на ФК Академија Пандев бројат околу 300 членови со кои постојано ќе се работи од страна на тренери кои имат Уефа лиценци но и фитнес трнери во зависност од категориите.
Според најавите во наредниот период интензивно ќе се работи со погоните на ФК Академија Пандев како со најмладите на кои акцент ќе се даде на правилниот раст и развој но и совладување на фудбалските техники, додека со повозрасните ќе се пработи и професионално за да се изградат квалитетни фудбалери кои сериозно ќе затропат на вратите на сениорскиот состав каде веќе се регрутирани неколку младинци.
Според најавите, освен редовните тренинзи официјалните настапи во лигите на национално и регионално ниво, ФК Академија Пандев за сите генерации фудбалери контуинирано ќе овозможува услови за учество на повеќе домашни и меѓународни турнири а ќе се унапредуваат условите за професионални тренинизи во поглед на спротската инфраструктура и реквизити но и усовршување на стручниот кадар
Младинските погони на ФК Академија Пандев се во врвот на мак фудбалот во своите конкуренции а клубот ги отвора вратите и за нови членови кои сакаат да бидат дел од големото фудбалско семејство на легендата Горан Пандев кој 11 години ја гради Академијата и за кус временски период стана респектабилен во регионот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
