Младата Данче Лазарова од Струмица дизајнираше колекција венчаници ,,Бисерна снежност’’ (фото)

733

Младата дизјанерка Данче Лазарова од Струмица деновие објави свои креации на венчаници насловени како ,,Бисерна снежност’’ изработени од свила и сатен, со што го привлече вниманието на јавноста. 19 годишната дизјнерка вели дека зимата ја асоцира на убавина,мир и позитивна енергија па се потрудила да направи комбинација на ,,снежната идила’’ со елеганцијата и отменоста што треба да биде составен дел на секоја жена. Како модел на нејзината колекција со венчаници на фото сесијата се јавува манекенката Георгина Митева од Штип

,,Венчаниците ми беа инспирација за зимската колекција, бидејки го сакам ова годишно времд и ме асоцира на белина, убавина, сјајност. Станува збор за венчаници кои се како снежни фустани од свила и сатен за да може секоја дама да се чуствува боженствена,, ни изјави Данче која има завршено моден дизјан во СОУ ,,Никола Карев’’ во Струмица

Таа вели дека љубовта кон модните креации и се родила уште како мала кога сакала да креира фустани за нејзините кукли. Со запишувањето во средното училиште ,,Никола Карев’’ веќе од трета година почнала да креира но и да изработува модни парчиња со што почнала полека да се пробива како име во модниот свет.

,,Инспирацијата за моите креации ја црпам од самата себе. Сметам дека сум позитивна личност. Секогаш кога креирам имам многу бурни идеи кои успевам да ги вклопам во одредени парчиња на облека. Се мотивирам и од други успешни дизајнери како Миа, Македонка Јанкулова, Златко Јовановски, Ива Спасовска,, вели Лазарова

Данче досега има изработено над 100 тина уникатни модели кои сама ги има дизајнирано. Како што вели таа, дел од нејзините креации биле наменети и за познати имиња како што се Кристина Димитри, Ангела Василевска, Валерија Пресаноска, Марта, Кристина Атанасова.  Според неа љубовта треба да биде ѕвездата водилка во желбата за успех и освојување на височини во животот.

,,Мојата порака до младите е да си ја сакаат работата, да имаат своја визија за тоа што го работат. Да се трудат оти еден ден секој труд се исплаќа. За крај само би рекла занаетот злато вреди. Што се однесува до облекувањето, сакам да им порачам на малдите да го носат тоа во кое најдобро се чувствуваат и да ги следат модните трендови. Да експерементираат со облекувањето  но најважно од се е да бидат личности со позитивни мисли,, вели Лазарова

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.