Министерот Филипче најави скратување на полицискиот час но задолжително носење маски на пазар и во затворени објекти

1064

Министерот за здравство Венко Филипче предложи полицискиот час во работните денови да трае од 19 до 5 часот наутро, а за време на викенд од сабота во 13 часот до понеделник наутро согласно листата на нови мерки за заштита и спречување на понатамошно ширење на коронавирусот што ја предложи Комисијата за заразни болести до Владата. Паралелно граѓаните од цела држава да носат заштитни маски или марами задолжително кога се во затворен простор, но и на отворен простор кога не може да се одржува 2 метри растојание

„Досега сите одлуки ги носевме по препорака на Комисијата за заразни болести и  дадоа добри резултати. Мерките мора да останат на сила сè додека не сме целосно сигурни дека сме го поминале пикот. Со оглед на сегашната состојба Комисијата препорача до Владата благо релаксирање на рестрикциите за движење, но и дополнителни мерки за подигнување на лична заштита“, рече Филипче и кажа дека за овие предлози ќе се разговара утре на владина седница.

Со релаксирањето на мерките се овозможува на пензионерите движење од 8 до 12 часот, а на младите лица до 18 години, од 13 до 16 часот. Остануваат на сила мерките за забрането групирање на повеќе од 2 лица, и задолжително држење на растојание од 2 метри.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.