Министерот Спасовски во посета на реновираниот објект на ОВР Гевгелија за кој се потрошија 12 милиони денари

316

“Не можеме да претендираме на позитивни резултати во работата, на ефикасност и успешност доколку полицијата, полициските службеници своето секојдневно работење го минуваат во субстандардни услови,,. Вака истакна министерот за внатрешни работи Оливер Спасовски кој беше во посета на реновираниот објект на ОВР Гевгелија, кој се реконструираше со средства од министерството а се сретна со раководството на оваа полициска организациона единица по повод завршената санација и реконструкција на објектот на ОВР Гевгелија.

,,Веќе е завршена претходно најавената санација и реконструкција на објектот на Одделението за внатрешни работи Гевгелија, проект вреден околу 12.000.000 денари, пари обезбедени од наши средства, од буџетот на Министерството, а во рамки на концептот што го промовиравме и во континуитет го реализираме уште од 2017 година – за подобрување на материјалните, инфраструктурни и технички потенцијали на полициските организациони единици, на полициските службеници“, потенцираше министерот Спасовски.

Министерот Спасовски најави дека и во наредниот период продолжуваат  како што кажа со несмален интензитет и тоа во СВР Куманово  каде ќе се изврши комплетна реконструкција и обнова на постоечките објекти каде што е сместено СВР Куманово, комплетна реконструкција и санација на објектот на ПС Ресен и ПО Ростуше.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.