Меѓу Стојаково и Селемли кај Богданци за две години ќе никне парк со 6 ветерници (фото и видео)

1350

До крајот на 2023 тата година меѓу населените места Стојаково и Селемли  во општина Богданци на површина од 50 хектари треба да никне нов ветерен парк во која ќе има 6 ветерници. Станува збор за инвестиција вредна 40 милиони на словенечката  Интеренерго која е една од водечките компании за искорисутвање на обновливите извори на енергија во Југоисточна Европа

,, Станува збор за ветерна електрана со капацитет од 30 мегавати со 6 ветерни турбини која ќе произведува околу 72 гигават часови електрична енергија,, соопштија од компанијата Итеренерго од Љубљана Словенија

На територијата на општина Богданци веќе фунцкионира ветерен парк и тоа на АД Електрани со 16 ветерници –инвестиција од околу 55 милиони евра за која како што кажа премиерот Зоран Заев се вратила од досегашното работење. На тој ветерен парк  се планира да се постават уште 4 ветерници .

,,Во фаза на развој е проширувањето на овој ветерен парк за дополнителни 13,2 мегавати со поставување нови 4 ветерници во наредниот период во вредност од 21 милион евра,, рече премиерот Заев

Новиот ветерен парк и проширувањето на постечкиот  за првиот човек на општина Богданци Блажо Шапов  значи и дополнителен импакт за развојот на локалната економија кој предочи дека освен за ветерни паркови во Богданиц може да се градат и фотонапонски електрани.

,, Новите инвестиции водат кон просперитет на општината. Се надеваме дека тука ќе се отворат и капацитети за одржување и сервисирање на опремата за обновливи извори на енергија а со тоа и отворање на нови работни места,, потенцираше Шапов за развој на ветерната енергија

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.