Место со комунален, контејнерите во Радовиш несовесни граѓани ги полнат со шут и камења, Плаваја апелира на совесност

547

Деновиве во Радовиш зачестена е појавата, контејнерите за комунален отпад да се полнат со градежен шут што предизвикува проблем за Јавното комунално препријатие Плаваја при обработката и транспортот на отпадот. ЈП Плаваја објави фотографии полни со градежен шут иако постојано апелираат металните и пластичните контејнери исклучиво да се користат за комунален.

,,Има случаи и кога се фрла мала количина на градежен шут и камења кои се измешуваат со комуналниот отпад и неосетно се истураат во специјалните возила каде предизвикуваат дополнителни штети на опремата за пресување на комуналниот отпад и може да го оштетат и онеспособат специјалното возило да ги врши редовно и навремено планираните активности според распоредот за собирање на комуналниот отпад од контејнери низ градот и населените места,, пишува во објавата на ЈП Плаваја од Радовиш

Од таму  предупредуват дека со вакви несовесни постапки можни се и оштетување на специјалните возила и застој во динамиката на подигање на комуналниот отпад при што можно е натрупување на комунален отпад со што ќе се нагрдува сликата за урбаните населби и животната средина.

,,Доколку имате потреба од депонирање на градежен шут тоа може да го сторите со Ваше или со изнајмување на соодветно превозно средство и да го депонирате на градската депонија со што ќе покажете висока свест кон собирањето на отпадот од контејнери. Ако не сте во состојба тоа да го сторите може да се јавите во ЈП„Плаваја“ и нашите комунални работници ќе дојдат и ќе го соберат градежниот шут според ценовникот на претпријатието,, информираат од ЈП Плаваја

Од радовишкото комунално претпријатие велат дека за несовесните граѓани постојат и соодветни казни кои се предвидени во Одлуката за комунален ред. Апелираат до  сите граѓани кои ќе забележат полнење на контејнерите со градежен шут веднаш да пријават во ЈП„Плаваја“ или на општинскиот комунален инспектор.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.