МВР: Во август имало три пати помалку жртви во сообраќајки во споредба со лани

50

Минатата година беше најбезбедна според бројот на жртви, а од МВР велат дека досегашните податоци покажуваат оти 2021 ќе биде година со најмалку загинати

Во текот на август годинава бројот на жртви во сообраќајни несреќи се намалил за три пати во споредба со август 2020, велат од МВР.

Годинава имало шест загинати, додека во август лани бројот на жртви бил 19.

„Ова е сериозно намалување, но ние продолжуваме со интензивните активности за овие бројки да се намалуваат и натаму и ги повикувам и оние граѓани кои досега не ги почитуваа правилата да ни се приклучат и сите заеднички да обезбедиме безбедни патишта. 2020 беше најбезбедна година според бројот на жртви на патиштата, но првите осум месеци од 2021 покажуваат дека оваа година е со најмал број на жртви на патиштата“, кажа портпаролот Тони Ангеловски

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.