Македонија ремизираше со Англија и заврши на четвртата позиција во квалификациите

260

Репрезентацијата на Македонија вечева на арената „Тодор Проески“, успеа да освои историски бод против репрезентацијата на Англија (1:1).

Во првиот дел на изненадување на сеопштата фудбалска маса и навивачи ширум Европа, Македонија поведе против големиот фаворит Англија, преку пеналот кој го реализира Енис Барди.

Македонскиот интернационалец Барди првично го промаши пенал, па одбиената топкана Џордан Пикфорд, ја смести во голот на гостите, за голема радост на публиката во Скопје.

Предноста на Македонија беше активна се до 59. минута, кога Хари Кејн, кој само што влезе, постигна гол против нашата репрезентација.

Иако овој бод не решава премногу за нас во групата, бодот е сепак историски и со задоволство ќе се сеќаваме на овој натпревар. Македонија по овие квалификации повторно ја освои 4. позиција која низ години наназад е наша судбина.

Од групата во која е Македонија, Италија со реми (0-0) на гостувањето во Леверкузен кај Украина, успеа да обезбеди ЕП.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.