Македонија Макс пролетва не знае за пораз, по втор пат подобар од УГД за петта победа во низа

638

Одбојкарките на Македонија Макс во плеј аут лигата или Група 2 каде се вкупно 5 екипи не знае за пораз. По втор пат го преслушаа штипскиот УГД  со резулат од 3:1 во сетови во меч во кој немаше многу атрактивни поени но сепак имаше искри и резултатска неизвесност.

Струмичанки почнаа одлично 25:12 за водство од 1:0. Но студентките од Штип ги консолидираа своите редови и на грешките на избраничките на Зоран Јанков израмнија на 1:1 откако го добија вториот сет со 25:23

Во третиот сет струмичанки постојано во водство, гостинките израмнуваа. Сепак  искусната Марија Ричлиева заедно со Лазарова, сестрите Мартина и Даниела Владевска, Величе Каралиска, Благица Стојанова и Марија Љафтова сепак успеа да го финишираат во своја корист си 25:23 за водство од  2:1. Во тој стил беше и четвртиот сет кој струмичанки го добија со 25:21

Ова е петта победа во низа за Македонија Макс кои се пробија на третата позиција.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.