Ловот е пред се дружење, велат од групата на ЛД Фазан ,,Збирно семе’’ која за празниците отстрелаа два вепарда (фото)

1167

20 тина ловџии членови на Ловното друштво ,,Фазан’’ од Василево од Ангелци, Вељуса, Градашорци, Просениково, Добрејци но и радовишките населени места Злеово и Подареш веќе извесен период функционираат како неформална ловечка група кои ја крстија ,,Збирно семе’’. Се сметаат како една од најорганизираните ловечки групи, каде ловот и дружењето е пред се. Како група веќе организираа две ловечки акции од почетокот на ова година и со почитување на ловечката етика се дружат и прават отстрел на еден дивеч колку да се одбележи денот.

,, Овие момци се пример за тоа како треба да изгледа ловечкото дружење. Во ловот се вистински спортисти. По првиот отстрел веднаш се повлекуваат а при ловото ги почитуваат сите етики и правила. Се врши отстрел на послаби единки и никогаш не се врши острел на дивеч кој е забранет,, велат од ЛД Фазан од Василево кои се членови од групата ,,Збирно семе’’

Групата е формирана пред четири години и постојано се зголемува. При излегување на терен сите дејствуваат како еден независно што се со различни професии. Се договараат за отстрелот за тактиките кои ќе се применуваат.  Паралелно прават анализи за потребите на одредени ловишта или за дивечот кој опстојува, бидејки како група водат грижа и вршат и прихранување но и цврсто се залагаат да се минимизира  криволовот.

,, Како група излеговме на лов на први јануари и на Бадник. И во двете акции отстрелавме диви свињи тешки по околу 150 килограми.  Нам приоритет ни е заедничкото излегување во лов и другарувањето. Поддршка имаме и од претседателот на Фазан Ице Стоев кој е дел од нашата група а тука е и поранешниот Зоран Јанев,. Сакаме да докажеме дека сме една од најорганизираните групи кои дејстува кога станува збор за лов.,, велат од групата ,,Збирно семе’’

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.