КУД ,,Св. Кирил и Методиј’’ и Општина Босилово организираа фолклорни средби ,,Св. Атанасиј 2022’’ во Иловица (фото)

631

Во пресрет на големиот христијански празник Св. Атанасиј Велики во населното место Иловица, во организација на тамошното КУД ,,Св. Кирил и Методиј’’ и Општина Босилово се одржаа фолклорни средби ,,Св. Атанасиј 2022’’. На истите учествуваа играорци од пет културни уметнички друштва и фолклорни ансамбли од земјава кои го презентираа македонскиот фолклор и традиција.

Најпрво по улиците на Иловица членовите на ФА Глигор Прличев од Скопје, ФА ,,Злевски бисери” од Злеово радовишко, ВПГ ,,Грамостејн’’ од Скопје, КУД  ,,Сушевски бисери’’ од Сушево општина Василево и домаќинот КУД ,,Св. Кирил и Методиј’’ имаа дефиле презентирајки ја македонската традиционална носија. Потоа во кругот на основното училиште се одржаа средбите каде гостите имаа можност да видат повеќе фолклорни кореографии.

Членовите на овие друштва и ансамбли поделени оо возрасни групи одиграа по три ора при што ја презентираа македонската традиција низ ора и песни. Градоначалникот на Босилово Манчев објави дека македонските песна и ора кои извираат од душа треба да се негуваат

,,Македонските песни и ора извираат од душата на секој македонец, само треба да се негуваат, да се чуват и почитуваат. Наша обврска е да ги научиме младите да се однесуваат со почит и со љубов кон македонската песна и македонските ора, да ја негуваат културата, традицијата и фолклорот.Денешниот настан и богатата културно уметничка програма, на наше задоволство, беше проследена од голем број граѓани,, објави градоначалникот Ристо Манчев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.