Крстев од струмичко Ангелци со ,,застава 101“ старо половина век, тргна за Лондон за фото сесија пред кралската палата на Елизабет

5773

Животот е краток за возење досадни автомобили. Вака објави 40 годишниот Драган Крстев од населеното место Ангелци струмичко кој тргна со ,,застава 101’’ старо речиси половина век за Лондон Англија каде што живее и работи. Таму има механичарска работилница и свој возен парк, но желбата да се врати со возило со кое ги имал првите почетоци во возењето и како механичар, го понесе со ваков автобоил да вози и по лондонските улици.

,, Застава 101 е првата моја автомобилска љубов. Беше на татко ми кој ме учеше како да возам, како да менувам гуми, како да поправам одредени дефекти. Кога станав полнолетен стана моја и имам многу спомени со овој тип возил. Потоа животот ме однесе во Лондон Англија каде сум веќе 20 години и постојано имав желба да си имам свој 101 и таму. Го купив во Македонија го стегнав и еве се враќам за Лондон,, ни одговори Крстев

Возилото е старо речиси половина век. Крстев успеал да го ,,стегне’’ но по пат во багажникот понел и една гајба резервни делови и две кутии алат за да доколку стане дефект, на лице место се поправи бидејки споре него тоа е стандард за ваков тип возила.

Авантурата од Струмица до Лондон, Драган ја започна од родното Ангелци со братучед му Љубиша Велиновиќ . Целата траса  изнесува 2560 километри . Како што ни изјави Крстев веќе се ноаѓаат во Унгарија.

,, Ги знаеме перформансите на застава 101 . Воземе максимум 80-90 километри на час. Но по патиштата сите ни свираат а на српската и унгарската граница љубители на стари автомобили ни приоѓаа и се распрашуваа за возилото и се фотографираа. Никој не ни верува дека тргнав за Лондоно. Сега се упатуваме кон Австрија па преку Германија планираме да стасаме во Белгија и Франција и од таму за Лондон,, ни кажа Драган Крстев

Тој верува дека за три дена ќе стаса во Англија доколку не излезат некакви проблеми со возилото а пред да го однесе во својата механичарска работилница во Лондон планира со застава 101 да направи една фотосесија пред Бакингамската палата.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.