Време е нешто да се менува и фудбалот ни тргне напред, кажа Пандев по изборот за делегат во ФФМ

2072

Горан Пандев кој беше избран за делегат во ФФМ од ОФС Струмица ќе се залага за менување на актуелната ситуација во македонскиот фуддбал за да конечно работите тргнаат напред. Тој со видео линк од Италија го следеше годишното собрание на ОФС Струмица на кое ја доби довербата заедно со Ѓорѓи Гоцевски од сојузот и Ванчо Коцев од ФК Плачковица Радовиш да бидат делегати од овој регион во Собранието на ФФМ.

,,Се надевам дека некои неправди над ОФС Струмица од страна на ФФМ ќе се поправат. Струмица е фудбалски град и треба да се вратат судиите назад на терените но и да имаме преставници во највисокото ниво на Федерацијата. Крајно време е нешто да се менува и фудбалот да ни оди напред. Чест ми е што сум избран за делегат токму од ОФС Струмица,, кажа Пандев кој се заблагодари на поддршката од делегатите на општинскиот фудбалски сојуз.

ФФМ треба да им ги верификува мандатите на Горан Пандев, Ѓорги Гоцевски и Ванчо Коцев.

Како што е познато лани во февруари ОФС Струмица го бојкотираше изборното собрание на ФФМ и не делгираше свои членови по што над 20 фудбалски судии, делегати и контролори добија забрана да бидат дел од мак фудбалот. ОФС Струмица не даде делегати бидејки сметаше дека треба да се усогласи Статутот на ФФМ согласно Законот за спорт но и да се почитуваат  фудбалските сојузи кои се организирани и масовни а не во органите на ФФМ партиципираат членови од сојузи кои постојат само на лист хартија

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.