Кошаркарите на Струмица славеа против непоразениот Водно Санс

1114

Кошаркарите на Струмица во рамките на третото коло од Втората лига на Македонија славеа победа против Водно Санс од Скопје кој се сметаше како фаворит во салата Парк во Струмица. Домашниот состав покажа мудра и офанзивна игра која вроди со плод за победа од  76:59 (23:7, 15:22, 22:22, 15:8)

Избраниците на Златко Зетов и Атанас Цикарски, победата ја најавија уште во првата четвртина која ја добија со 16 поени разлика. Го демотивираа гостинскиот состав кој во првите две кола имаше само победи. Водно Санс се обидуваше да ја анулира големат предност но струмичани добро ја чуваа предноста за да во последниот период повторно покажат надмоќност.

Зетов постигна 18, Абрашев 15, Стојаноски 12, Шајкаров  и Наумоски по 10, Димитриев 6, Мелов 5. Тие беа стрелците за домакините кои на своето конто ја забележаа и втората победа во првенстовот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.