На денешната прес конференција во врска со поплавите во Струмица, првиот човек на општината Костадин Костадинов истакна дека отпочната е постапката за трајно решавање на проблемот со поплавите во нискиот дел на градот. Како што кажа формирано е мултисекторско тело кое ќе ја скенира состојбата со атмосферската канализација и одводните канали за да се пристапи кон санирање
,,Од денеска започнавме со подготовките за трајно решение на проблемот со поплавите во нискиот дел на градот, односно, критичниот дел од улицата „Младинска“.Формираме мултисекторско тело составено од членови на Советот, претставници на општински јавни претпријатија и државни институции и општинската администрација, тело кое пред себе ќе има сериозна обврска и максимално ќе се заложам таа да биде брзо и квалитетно исполнета. Ке започнеме со дронско снимање на одводните канали за точно да утврдиме кои објекти се изградени , што и колку е узурпирано и затнато и зошто е оневозможено одводнуваањето при обилни врнежи од дожд, објави градоначалникот Костадинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
