Конче го реализира проектот ,,Пат до секоја нива’’ – се санираат полските патишта до сите површини

916

Општина Конче го реализира проектот ,,Пат до секоја нива’’ со цел да го олесни пристапот на жителите од ова општина до своите обработливи површини.  Со градежна механизација  на претпријатието ,,Техника’’ се санираат сите полски патишта во ова општина со цел земјоделците со својата механизација да можат на полесен и побезбеден начин да стасаат до нивите во атарите на населните места во  општина Конче

Според информациите досега се санирани полски паитша од околу 30 тина километри преку кои може да се стаса до околу 480 хектари земјоделски површини во општината кои се засадени со лозови, овошни насади или пак се во фаза на садење на тутун и други градинарски култури.

,, Целиот проект го работиме во интерес на земјоделците, бидејки преку летниот период се интензивираат земјоделските активности на обработливите површини па се потребни и соодветни полски патишта кои за жал не беа во најдобра кондиција. Проектот го работиме со сопствени средства. Заради последните дождови имавме прекин но продолжуваме со санацијата оти планираме да ги опфатиме сите поглавни полски патишта во општината ,, ни изјави градоначалникот на Конче Благој Илиев

Според утврдената програма досега беа санирани полските патишта во атарите на општинскиот центар Конче но и на населените места Лубница и Долни Липовиќ. Периодов ќе се санираат полските патишта во Горни Липовиќ, Ракитец, Габревци и Дедино. Полски патишта ќе се санираат и со средства кои општината ги има обезбедено од програмите на Југоисточниот плански регион и преку Министерството за земјоделство.

Еве кои полски патишта се планираат да бидат санирани во општина Конче….

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.