Комисијата за заразни болести предлага полициски час од 22 до 05 часот, Владата утре ќе одлучува

1516

Воведување полициски час од 22 до 5 часот предлага Комисијата за заразни болести, соопшти Министерството за здравство. На денешната седница на Кризниот штаб, министерот за здравство Венко Филипче предложил повторно да се воведе полициски час поради зголемениот број на нови позитивни на ковид-19.

-Министерот образложи дека овој предлогот на Комисијата е поради тоа што изминативе недели најмногу инфицирани има поради трансмисија на вирусот преку собири, но и непочитување на воведените мерките за носење заштитна опрема, држење дистанца и негрупирање. Анализите на Комисијата утврдиле дека поради непочитување на мерките, ќе има нови случаи на заразени но и зголемен број на хоспитализирани, од таа причина Комисијата смета дека една ваква ригорозна мерка ќе има ефект, информира Министерството за здравство.

Владата на утрешната седница ќе треба да се произнесе по предлогот на Министерството за здравство и Комисијата за заразни болести.

Минатата недела на состанокот на општинскиот кризен штаб на Гевгелија разгледувајки ја епидемиолошката состојба во општината  најави дека ке бара воведување полициски час со оглед на големиот број позитивни регистрирани последните денови.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.