Комедијата „Секс, лаги и љубомора“ на струмичкиот театар утревечер со премиера а веќе распродадена до петок

322

Утревчер струмичкиот народен театар „Антон Панов“премиерно ќе ја изведе комедијата „Секс, лаги и љубомора“ од Марк Камолети, а во режија на Синиша Евтимов во која играат Анкица Бенинова, Јулија Милкова, Стојан Велков Трн, Коста Ангов, Танкица Стојанова и Јасмина Вучкова.

Станува збор за престава која ја елаборира љубовта, прељубата, вербата и надежта на два современи брачни пара преку емоционална вртелешка со интриги, замени на идентитет, професионално успешни а емоционално незрели со многу проблеми

,, Многу сум задоволен од целокупниот процес и од екипата, составена од претежно млади актери и ретко кога јас сум најстар во екипата и навистина уживавме додека ја работевме претставата,, рече режисерот Синиша Евтимов.

Како што соопшти раководителот на театарот Драган Маџаров, премиерата утревечер и изведбата на преставата во четврток вечер веќе се распродадени а се бара влезница повеќе и за комедијата што ќе биде на репертоарот на струмичкиот театар и во петок

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.