Кои проекти беа изгласани за реализација во 2021 преку Центарот за развој на Југоисточниот плански регион

744

Подобрување на туристичката инфраструктура но и изградба на локални патни правци кои се во интерес на Југоистокот. Ова е содржината на петте проекти кои добија најмногу гласови за реализација идната година, за кои Центарот за развој на Југоисточниот плански регион треба да аплицира пред домашните фондови за рамномерен регионален развој.

За разлика од минататите, ова година во изборот на регионалните предлог приоритетни проекти за реализација, освен градоначалниците гласаа и преставници од јавните институции, граѓанскиот и бизнис сектор преку прашалници низ еден форумски процес кој беше подржан од швајцарската амбасада и министерството за локална самоуправа

Според гласањето најмногу гласови доби проектот ,,Збогатување на туристичката понуда во Југоисточниот плански регион’’ кој ќе се имплементира во 4 општини од Југоистокот. Овој проект доби 227 гласови. Како втор приоритетен проект беше изгласан ,,Изградба на пристапен пат до регионалниот стационар  за бездомни кучиња’’ кој доби 201 глас. Трет проект е ,,Изградба на Локален пат на релација с.Погулево – с.Дамјан’’ кој доби 180 гласови, четврти е ,,Изградба на Локален пат на релација Колешино – Бориево (трета фаза)’’ а како ,,петти е Изградба на Локален патен правец  Л603 за поврзување на патниот правец – Стојаково – Ѓавато со крстосницата со регионалниот  пат Р1109’’.

Според приоритетите на граѓаните од Југоистокот – најзрели за имплементација идната година за кои ќе се бараат средства се првите три проекти додека останатите два остануваат како резервни.  Сега Центарот за развој на Југоисточниот плански регион ќе треба да ја подготви целокупната документација за овие проекти и да аплицира пред Бирото за регионален рамномерен развој за средства.

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.