Кај пет угостителски објекти во Струмица, полицијата и пазарната инспекција констатирала кривични дела и прекршоци

1206

Струмичката полиција во соработка со Државниот пазарен инспекторат информираше дека изминатиов викенд во 3 угостителски објекти на подрачјето на  општина Струмица  констатирале кривични дела заради непочитување на владините мерки и протоколи за работа во услови на епидемија додека кај два други се констатирани прекршоци за “Пуштање гласна музика„ и  “Присуство на малолетници подоцна од 24,00 часот“ предвидени во Законот за прекршоци против јавниот ред и мир.

Од СВР Струмица информираа дека за сите сопственици на угостителските објекти  кај кои  ќе бидат констатирани прекршоци и кривични дела, Секторот за внатрешни работи-Струмица согласно своите надлежности,  ќе  изготви  соодветни поднесоци, а за правните лица  ќе предложи  изрекување на соодветни прекршочни и кривични санкции.

Секторот за внатрешни работи -Струмица  апелира до сопствениците на угостителските објекти и граѓаните,  да ги почитуваат препораките од Владата на Република Северна Македонија и законските правила и прописи. Доколку се констатира состојба спротивна на Законот  и препораките на Владата истата  соодветно ќе се санкционира.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.