Кај Гевгелија во „бмв“ откриени кубанци кои илегално влегле во земјaва, возачот приведен

3071

Гевгелиската полиција приведе жител од скопско Долно Коњари откако во неговиот автомобил марка „бмв“ биле откриени тројца жители од Куба кои илегално влегле во земјава.

,,На 26.11.2021 во 21.50 часот во близина на Гевгелија од полициски службеници од полициска станица Богородица е лишен од слобода Е.Ц. (28) од с.Долно Коњари, скопско, кој управувал патничко моторно возило „бмв“ со скопски регистарски ознаки, во кое при контрола се пронајдени Р.С.Х. (37), Ц.С.Ј.П. (26) и В.Ц.Д. (25), сите од Куба, за кои по извршените проверки во службената евиденција е констатирано дека немаат остварено легален влез во државата. Известен е јавен обвинител, мигранти се предадени на полициски службеници од полициска станица Богородица за понатамошна постапка и по целосно документирање на случајот ќе биде поднесен соодветен поднесок.,, соопшти МВР

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.