Капацитетот на градинката во паркот во Струмица зголемен за 57 деца, новата градинка во касарната готова до крајот на 2022

185

Министерката за труд и социјална политика, Јованка Тренчевска заедно со градоначалникот на Општина Струмица, Костадин Костадинов, денеска  ја посетија детската градинка „Детска Радост“, од оваа општина, којашто го прошири капацитетот за дополнителни 57 деца, со доизградба на нов дел поврзан со постојниот објект.

„Навистина ми претставува задоволство што денеска можам да најавам дека првата и најстара градинка во Струмица „Детска Радост“, објектот 2 го проширува капацитетот за прием на нови 57 деца. Со тоа, оваа градинка, досегашниот капацитет од 100 деца го зголемува на 157,“ рече министерката Тренчевска.

Таа рече дека за изведувањето на градежните работи и опремување на градинката, Министерството од Буџетот има обезбедено средства во износ од 17 милиони денари  како  дел од Програмата за изградба, опремување  и одржување на објекти за детска заштита за 2020 година. Со доградбата, градинката добива 4 нови простории, од кои две (2) јаслени занимални  и две (2) занимални во кои ќе бидат сместени  деца од 2-4 години.

Министерката Тренчевска информираше и дека во Општина Струмица  во завршна фаза е и изградбата  на нова детска градинка со капацитет за 307 деца која се гради согласно Проектот за подобрување на социјалните услуги, со поддршка на  Светска Банка која според министерката треба да биде готова до крајот на годината.

Според градоначалникот на Општина Струмица, Костадинов  континуираните ангажмани за проширување на капацитетите на постојните градинки, како и изградбата на новите  градинки, значат премногу за општина Струмица и нејзините граѓани.

,,Денеска Струмица и струмичани се среќни затоа што во употреба ја пуштивме доградбата на детската градинка Клон 2, а Министерството за труд и социјална политика издвои 13 милиони денари за овој преубав објект. Го проширивме капацитетот за речиси 60 проценти, односно од претходниот капацитет за 100 дечиња, од денеска имаме капацитет за 157 дечиња, што навистина е убава работа којашто ни се случува во Струмица,, објави Костадинов

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.