Исплатени 27 милиони евра субвенции за тутун, тутунарите од една компанија парите ќе ги добијат наредните денови

883

Агенцијата за финансиска поддршка во земјоделството и руралниот развој исплати над 80 отсто од вкупно планираната сума за субвенции за тутунот од реколтата 2018-та информираа од министерството за земјоделство . На сметките на 26.776 тутунари од земјава, како што е наведено во информацијата, денеска  биле исплатени над 27 милиони евра, но тутунарите што производството го дале во една откупна компанија субвенциите ќе ги добијат деновиве оти за нив процедурата сеуште не е завршена.

,,Во моментов уште една компанија откупувач на тутун нема доставено списоци до Платежната агенција, затоа исплатата за тие тутунопроизводители ќе се реализира во следните неколку дена,, информираа од министерството за земјоделство од каде велата дека исплатата на субвенциите за тутунот се реализира на еден месец пред почетокот на новата производствена реколта за 2019-та.

Во реколтата 2018-та се засеаја  14.802 хектари со тутун што е за 387 хектари повеќе од 2017та, а се склучија  34.104 договори или 4.700 договори повеќе од 2017-та година. Откупот на тутунот од реколтата 2018 заврши навреме, во рамки на законскиот рок. Се откупија над  25,2 милиони киограми тутун по просечна откупна цена од 214,24 денари за килограм.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.