Инфекцијата на дишните патишта може да е резултат на заспаниот имун систем кај децата, кажа Софијанова од Гевгелија

337

Нема потреба од паника. Инфекцијата на дишните патишта што се појави кај децата во Гевгелија според нашите сознанија е резултат на заспаниот имунолошки систем, кој со раздвижувањето сега, ги покажува истата патологија што ја гледавме во февруари и март годинава. Вака подвлече директорката на Клиниката на детски болести Аспазија Софијанова која заедно со тим од пулмолози од Универзитетската клиника беше во гевгелиската болница за да констатира за што станува збор. Тие ги прегледаа дечињата што доаѓаа на дневен престој но и двете хоспитализирани бебиња. Паралелно се изврши увид и во документацијата на останатите 50 тина дечиња кои во изминатиов месец се пожалиле на висока температури и потешкотии во дишењето

,,Дополнителните резултати се земени  од наша страна. Ќе бидат доелаборирани антителата за еветуална постковид реакција,  она што ние го велиме серологија, дедимери и дополнителна палета на респираторен панел во нашата клиника, за да направиме јасна дистинкција за што станува збор. Лично по нашите искуства сметаме дека заспаниот имун систем кај децата укажа дека со раздвижувањето  и во затворен простор како што се градинките, доведе до тоа, она што се гледаше во февруари и март и што беше нормална патолгоија,  сега да го видиме сега не само во Гевгелија туку и во останатите градови,, кажа Софијанова која подвлече дека вечерва ќе се знаат резултатите од дополнителните испитувања

Изминатиов месец околу 50 тина дечиња се евидентирани со заболувања на дишните патиша проследено со бронховпемонија. Дел од нив биле и на кислордна поддршка но истите се стабилни. Кај сите деца се направени брзи и ПЦР тестови но сите биле негативни. Во моментов во гевгелиската болница се хоспитализирани две бебиња а 20 тина дечиња на возраст од 2 до 5 години се водат како на дневна болница.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.