Има регистарски таблици за моторни возила, МВР набави за период од три месеци

727

Стигнаа регистарските таблички откако повеќе од еден месец имаше недостиг во станиците за технички преглед каде се врши регистрација на моторни возила. Тендерот за изработка на регистарски таблички го доби фирмата Квантум од Скопје а договорот е склучен за период од три месеци во вредност од 182 илјади евра.

„Проблемот е веќе надминат и таблички се испорачани по градови односно граѓаните можат да добијат регистарски таблички“, велат од Министерството за внатрешни работи кое пред извесен период соопшти дека била потпишана ракомвна спогодба.

Граѓани Струмица но и од повеќе градови се пожалија дека не можат да ги возат новите возила кои ги купиле, бидејќи државата не набавила навреме регистарски таблички и не може да се изврши регистрацијата.

Претходно регистарски таблички МВР досега набавуваше од фирмата „Раде Кончар“ од Скопје. Во декември 2019, беше потпишан договор за една година во висина од 575 илјади евра за испорака на 80 илјади пара регистарски таблици.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.