Изградена улица со бекатон плочки во Градашорци – Општина Василево со цел да нема неасфалтирани улици

1440

Градежната компанија Бони интерградба, ангажирана од општина Василево, ја заврши изградбата на улицата во населеното место Градашорци. Денес, на лице место беше градоначалникот  на општина Василево,  Славе Андонов кој направи увид во сработеното.

„За многу кратко време, отприлика три недели, комплетно се завршени сите планирани активности на оваа улица, па граѓаните што секојдневно ја користат добиваат несомнено квалитетно и трајно решение. Од аспект на целокупната инфраструктура на ниво на општина, изградбата на оваа улица значи чекор поблиску до поставената цел,односно во општина Василево да нема неасфалтирани  улици. Можеби звучи преамбициозно, но со добро планирање и многу работа секоја цел е достижна“, изјави  градоначалникот Андонов, по изградбата на улицата во Градашорци.

Оваа улица е  дел од Програмата за изградба на локални патишта и улица за 2022 година. Изградена со бекатон плочки, поставени на 570 м2. Должината на улицата изнесува 150 метри. Средствата во висина од околу 620 000 денари се обезбедени од општинската каса.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.