Изградена патеката до третиот водопад кај Габрово каде има и пештера a просторот уреден со мостови и летниковци (видео)

560

Со средства од АФПРЗ во висина од околу 120 илјади евра, општина Струмица го реализираше проектот ,,Доуредување и реконструкција на пристапната пешачка патека до Габровскиот водопад”, со што лубителите на планинскиот туризам и природните убавини ќе имат уште една дестинација за рекреација и прошетка на планината Беласица.

,,Јас сум задоволен што овој проект успешно се заврши, а кој конкретно подразбираше градење на една патека во должина од 740 метри, продолжување на претходната патека и реконструкција на истата и пробивање на нова до третиот водопад, со што е овозможен безбеден пристап до него. Изградени се и два моста и обновени неколку летниковци ”,  рече градоначалникот Јаневски кој подвлече дека непосредна близина се наоѓа и една атрактивна пештера која се уште не е доволно истражена и која секако ќе биде предизвик за љубителите на планинскиот туризам

Инаку изведувач на работите за изградба на патеката до третиот водопад кај Габрово но и оплеменување на просторот, беше фирмата Мајстор Компани од Босилово која на распишаниот тендер во конкуренција на шест понуди достави најниска цена.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.