Изградбата на Стариот театар во Струмица готов до крајот на оваа или на почетокот на 2020 година

1522

До крајот на ова или почетокот на идната година треба да биде готов објектот на Стариот театар во Струмица кој се гради цели пет години а требаше да биде готов за 18 месеци . Министерот за култура Хусни Исмаили истакна дека во моментов се работи на внатрешното уредување на објектот и сите пречки се надминати за целосна доизградба на објектот

,,Мене ме радува што по заедничката средба со надзорниот орган, изведувачот и директорот на „Завод и Музеј Струмица“, овие проблеми се отстранети и во иднина ќе се работи на привршување на објектот. Самиот објект е повеќе од 50 проценти завршен-покривањето на објектот, фасадниот дел, електриката, канализацијата сето тоа е завршено и се работи на внатрешно уредување и занаетчските работи,, истакна министерот Исмаили

Директорот пак на Завод и Музеј Струмица Ацо Манински истакна дека изградбата на Стариот театар во Струмица може да се очекува да заврши до крајот на оваа или на почетокот на 2020 година.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.