Избрани и најдобрите млади спортисти на Струмица во индивидуалниот спорт за 2022

625

На манифестацијата Избор на спортист на Општина Струмица беа избрани и најдобрите млади спортисти во индивидуалниот спорт.  За најдобар беше прогласен 16 годишниот Александар Делиовски од КБК Тим Зоран кој доби 75 бодови од жирито за освоената титула Државен првак во кик бокс и балкански шампион до 69 и 63 килограми.

Второто место му припадна на Филип Пасков од ШКК ШИХАН кој доби само бод помалку од Делиовски или 74. Жирито за него гласаше бидејки лани на Светскиот Шампионат и КУП за деца освои злато во Кати и Техника а е и Државен Шампион во кати за млади и сребрен во борби.

Третото место го поделија атлетичарката на АК Беласица Ран – Анастасија Ристова  која на планинското трчање на 10 километри во Скопје лани го освои првото место но и пингпонгарот Борис Секулов од ППК Астраион Мегаспин кој лани го освои првото место со екипата и беше најдобар на МАССУМ 2022. Тие од жирито добија по 73 бодови.

Признанијата за најдобрите млади спортисти во индивидуалниот спорт им ги додели советничката Елена Магеровска.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.