Идниот месец речниот канал во Градашорци ќе биде целосно уреден со бетон и камен (фото)

196

Речниот канал кој поминува низ населеното место Градашорци, општина Василево идниот месец треба целосно да биде завршен објавија на својата страна од ова локална самоуправа. Станува збор за канал во должина од 680 метри од влезот на на населеното место Градашорци од кај населеното место Едрениково па се до излезот кон индустриската зона Василево кој при поројни и обилни врнежи од дожд се изеваше и предизвикуваше проблеми за жителите од ова населено место. Мајстори анажирани од изведуваќот ,,Жикол’’ од Струмица секојдневно работат на расчистување и обложување на целиот канал со камен и бетон

„Работите се одвиваат со предвидената диманика, се е според планот, се работи квалитетно и очекуваме до средината на наредниот месец, каналот да биде комплетно изграден, Со реализацијата на овој проект ќе се реши проблемот со поплавување на домаќинствата и објектите, како и оштетувањата на постојниот асфалт покрај речното корито, кои при обилни врнежи најчесто страдаат поради излевањето на водата од коритото“, информираше градоначалникот на општина Василево Марјан Јанев по извршениот увид во градежните активности.

Коритото на каналот се обложува со камен а за премостување прердвидена е изведба на армирани плочасти пропусти односно бетонски мостови. Средствата за реализација на овој проект, општина Василево ги обезбеди од сопствениот Буџет но и од Министерството за животна средина. Имено целиот проект чини 120 илјади евра од кои општината 105 илјади евра доби од Програмата за управување со водите за 2020 година при Министерство за животна средина и просторно планирање

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.