Идната година ќе се градат нови водоводи во Дукатино и Требичино – општина Василево обезбеди 417 илјади евра

383

Идната година се очекува да започнат работите за изградба на нови системи за водоснабдување во населените места Дукатино и Требичино во општина Василево откако ова локална самоуправа доби зелено светло од Владата да се финансира овој проект од средствата од ТАВ Македонија. Станува збор за околу 25 719 300 денари за реализација на проектот „Изградба на систем за водоснабдување на село Дукатино и село Требичино“, за кој општината достави комплетна проектна документација.

,,Ќе се изврши комплетна реконструкција и проширување на зафатот каде што е изворот за поголемо количество на вода, изградба на два нови резервоара за филтрирање на водата и поставување на комплетно нова водоводна линија од изворот до двете наслени места и поставување на нова секундарна водоводна линија во селата односно до секое домаќинство,, објави градоначалникот на Василево Марјан Јанев

Проектот, Изградба на системот за водоснабдување на село Дукатино и село Требичино, како дел од Програмата за изградба и реконструкција на водоводната мрежа во општина Василево за 2021 година, беше усвоен на денешната 39-та седница на Советот на општина Василево и истиот ќе се реализира во текот на наредната година.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.