Земјоделци од Иловица и Штука блокираа откупен пункт оти откупната цена на компирот се сменила преку ноќ

633

Производителите на компир од струмичките населени места Иловица и Штука блокираа откупен пункт со механизација оти за неполни 12 часа ја намалил цена на компирот од 30 на 25 денари. Тие се гневни што откупувачите си играат мајтап со нивната мака, бидејки вчера им кажал дека ќе го собира компирот по 30 денари а денеска кажал дека ке го зема по 25 денари. Според нив проблемот е што по овој откупувач цената на компирот ќе ја намалат сите откупни пунктови а трговците што ќе дојдат од други градови во струмичко ќе сакаат да купат по најниска цена.

,, Ова е срамота што се прави, нема кој да не заштити. Собирањето на компирот само што почна и за неполна недела, цената падна на 25 денари за килограм а трошоците се зголемени за 100 насто. Колку за илустрација една вреќа  ѓубриво од 25 килограми скокна на 1500 денари . Не можат откупувачите да ги креираат цените како што сакаат. Синоќа велат откупуваме по 30 а утрово да ни каже пу не важи цената е 25 денари за килограм. Она што е најжално по него и остантите пунктоив ќе ја намалат цената,, кажаа земјоделците од Иловица и Штука кои го блокираа пунктот но и патот што води до населеното место Иловица

Во Иловица пристигнаа и преставници од земјоделскиот инспекторат кои на производителите им ги објаснија нивните надлежности и соопштија дека откупувачот уредно ја има објавено цената на табла. Откупувачот Дончо Јанев кажа дека тој не ги објавува цените од ракав туку таа е резултат на понудата и побарувачка.

,, Деновиве значително е зголемена понудата на компир од сите региони. Млад компир почна да излегува и од производителтие од Србија, Босна, Хрватска и не сме конкурентни со овие цени. Јас ја разбирам маката на земјоделците но неможам да откупувам по цена која нема да биде конкурентна на пазарите. Цената ја диктира  пондуата и побарувачката. Последниов период се помалку трговци доаѓаат да земат компир од кај мене,, беше дециден Јанев

Земјоделците од Иловица и Штука се најголемите прозводители на млад компир во струмичко. Во атарите на овие две населени места има засадено околу 500 хектари под ова земјоделска култура. Тие сакаат да го соберат родот за да може да ги подготват нивите за нов турнус. Инаку во моментов откупната цена на младиот компир е пониска во однос на ,,стариот’’ кој на пазарите на големо се продава по цена од 35 денари.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.