Земјоделците реагираат за откупните цени на зелката, Шапуриќ најави засилени инспекциски контроли

339

Струмичките земјоделци реагираат на контуиниран пад и промена на откупните цени на дневна основа на пролетната зелка. Според нив, се поголема е неизвесноста по која откупна цена ќе го продадат произведените количини наредниве денови. Велат дека нема кој да ги заштити бидејки се оставени на милост и немилост . Тоа го посочија и на средбата на Државниот земјоделски инспекторат со откупувачите во Струмица каде на иста маса се разговараше на ова тема

,, Секој ден се менува цената на зелката а ние годинава имаме поскапени репроматријали. Нема да ги покриеме производствените трошоци. Пред десетина дена беше 30 денари, деновиве 20 а се говори дека се откупува и по 15 денари за килограм,, реагираа земјоделците

Првиот човек на Државниот земјоделски инспекторат Зоран Шапуриќ најави дека овој период ќе бидат зголемени инспекциските контроли по откупните пунктови. До Државниот земјоделски инспекторат досега не е пристигната ниту една  претставка за работењето на откупните пунктови.

,, Ги повикувам сите производители на пролетната зелка, доколку евентуално им се издаваат од било кој откупувач несодветни откупни ( кантарни белешки ), односно да им се откупува зелката по една цена, а во откупната белешка да им се наведува друга цена, да достават докази до мене, до Државниот инспекторат за земјоделство, како и до инспектурите од регионите на Струмица и Гевгелија.,, потенцираше Шапуриќ кој изминативе денови посети и откупни пунктови во Гевгелија, Валандово и Богданци

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.