Земјоделците на протест со трактори по струмичките улици заради ниските откупни цени на зелката (фото)

312

Со трактори и приклучна механизација, струмичките раноградинари протестираа по струмичките улици барајки прифатлива откупна цена на зелката која од ден на ден се намалува. Посебно се гневни што утврдената цена од 20 денари, договорена на средбата со Државниот земјоделски инспекторат на завчерашната средба, од страна на трговците не се почитува па низ сите откупни пунктови денеска е намалена за речиси 20 отсто.

,, Бараме до недела итна средба со министерот за земјоделство, инспекторатот, откупувачите да се седне на маса и да се договори прифатлива цена односно да се виде зошто не се почитува договорената цена од 20 денари за килограм зелка. Ниту се почитува законот за неделни откупни цени, ниту пак се знае по која цена ќе се предаде производството. Рашомонијада. Доколку не се оствари средба нашите протести ке ги радикализираме,, кажа Васе Панов земјоделец од Куклиш

Земјдоелците од струмичко речиси еден час го блокираа централното градско подарчје во Струмица. Сметаат дека во државата не се води квалитетна аграрната политика со години заради што нивите стануваат се повеќе запуштени.

,, Не сме заштитени. Имаме поскапени репроматријали на ѓубрив, препарати, полиетиленски платна, нафта но цена по која ни се откупува е катастрофалана. Ќе немаме пари да си ги покриеме трошоците а камоли да платиме струја давачки. Вака не може . Мора да се стави ред со аграрот да има контроли да се почитува земјоделецот. Секојденвно се манипулира со нашиот труд,, кажаа останатите земјдоелци на протестот

Пред три дена во Струмица првиот човек на Државнито земјоделски инспекторат Зоран Шапуриќ имаше средба со откупувачите и земјоделците. Тој тогаш најави дека ќе бидат засилени контролите по откупните пунктови но ги повика и земјоделците да поднесуваат преставки доколку има прекршувања во откупните цени на зелката.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.