Здружението Полимат 13 на сите дечиња во Богданци им додели сликовница ,,Пчеларска тетратка” за која изработи и видео !

395

Здружението ПОЛИМАТ 13 во рамки на проектот „Еко разиграна сликовница“ изработи сликовница за деца до 8 годишна возраст. Секое дете кое посетува градинка или е ученик до трето одделение во некое од основните училишта на територијата на општина Богданци ја доби на подарок сликовницата „Пчеларска тетратка“.

,,Доколку на најмладите од најрана возраст им се вкоренат вредности кои придонесуваат кон развивање на љубов кон природата, животните и растенијата, тие ќе се развијат во личности кои се однесуваат со почит кон природата, ја користат како извор на ресурси за живот, но со иста мерка возвраќаат, ја негуваат и чуваат нашата животна средина,, велат од Полимат 13

Исто така, здружението изработи и видео запис од сликовницата кој има толкување на знаковен јазик и на тој начин ќе допре и до дечињата со оштетен слух, и на кои здружението преку Заводот за рехабилитација на деца со оштетен слух „Кочо Рацин“ од Битола им подари сликовници и УСБ мемории со видеото од сликовницата.

Проектот е финансиски поддржан од Мрежата за рурален развој на СМ, Шведската агенција за меѓународна соработка за развој (СИДА) и фондацијата We effect.

фото Здружение Полимат 13

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.