Здружението на деца бегалци во радовишко Ораовица одржа работилница и порача младите се креатори на нашата иднина (фото)

235

Ученици од основните училишта од радовишко но и од Делечво викендов во манастирскиот комплекс ,,Св Ѓеорги’’ над населеното место Ораовица учествуваа на креативната работилница од проектот ,,Младите – креатори на нашата иднина’’ што го спроведува Здружението на деца бегалци и нивни потомоци ,, Т’га за југ’’.  Настанот го организираше радовишкото здружение со претседателот Љупчо Бехлимов кој подвлече дека настанот има за цел да ги сплоти младите и преку повеќе работилници да се дружат и даваат креативни идеи за подобар живот во локалните заедници а паралелно учеа и за своите корени.

,, Целта на проектот е да се развие креативноста но и да се зголеми интересот кај децата кон музиката, творењето,  глумата и цртањето. Овој проект се основа на пет теми меѓу кои е и Егејска Макеоднија и Татковината копнеж на прогонетите. Сакаме децата, освен што ќе ја развиваат креативноста да дознаат повеќе и за Егејска Македонија’’ рече Милена Николова од здружението ,,Т’га за југ’’

Проектот Младите креатори  на нашата иднина го поддржа и општина Радовиш.

,,Овој проект е поддржан од Советот на општина Радовиш. Од таа причина ние доделивме средства во висина од 180 илјади денари за петдневниот камп за децата во Охрид. А оние кои ќе бидат најдобри на овие креативни работилници овде во прекрасниот манастарски комплекс ќе доделам пет таблети,, рече Конзулов

Здружението на деца бегалци и нивните потомци ,,Т’га за југ’’ секоја година реализира проекти чина основна цел е дружење на ммладите, запознавање со својата историја но и споделување на креативни идеи како до подобра иднина во средната каде што живеат почитувајки ги европските вредности

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.