Здравствениот инспекторат го затвори пунктот за брисеви за ковид во Струмица, се спрема нов простор, кажаа од ЦЈЗ

255

Државниот санитарен и здравствен инспекторат го затвори пунктот за земање на брисеви за тестирање на ковид во Струмица  кој се наоѓаше во стамбена зграда спроти ,,старата’’ болница во простории сопственост на општината.  Затворањето е резултат по реакциите на граѓаните од стамбената зграда каде пунктот работеше околу седум месеци но и реакциите на опозицијата која вчера на прес конференција кажаа дека овој пункт не треба да биде во колективна стамбена зграда, до кој имаше посебен влез

,,ДСЗИ издаде решение за забрана за работа на пунктот на Центарот за јавно здравје во Струмица за веднаш да престанат со работа и го задолжи директорот да го дислоцира и под итно да обезбеди соодветна просторија на ЈЗУ“, потврди за НОВА, д-р. Ирина Сотирова Бухова,  директорка на ДСЗИ.

Од Центарот за јавно здравје од Струмица информираа дека се постапува по издаденото решение и се спремаат нови простории според препораките дадени од одговорните.Како што најавија се очекува најдоцна до утре истите да бидат ставени  во функција за земање брисеви за тестирање на пациентите од ковид-19.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.