Здрава Котлина најави бојкот на изборите, протести, блокади ако не се реши проблемот со рудникот Иловица

1462

Бојкот на изборите и минирање на сите предизборни активности на политичките партии со герила акции ако не се реши проблемот со рудникот за бакар и злато Иловица на планината Огражден. Вака одлучиле активистите од Здрава Котлина од Струмица откако Управниот суд во март годинава донесе пресуда во корист на Еуромакс. Во  следниот период ќе бидат превземени низа активности на три полиња кажа Ѓорги Танушев од Здрава Котлина од каде ќе водат и кампања за да се бојктоираат изборите.

,, Посебен заклучок е донесен да се бојкотираат изборите што се најавуват во било какава форма. Во таа насока активно ќе се вклучиме против сите предизборни кампањи на политичките партии на терен и во медиумите и ќе изразуваме отворено незадоволство при посети или митинзи. Не се пожелни и добредојдени и политичките партии кои се дел од корумпираниот систен и не се во состојба ефективно да одговорат на граѓаните од Југоистокот за критични проблеми од највисоко значење поврзани со животите , здравјето и  екологијата’’, ни изјави Ѓорги Танушев од здружението Здрава Котлина

Активистите паралелно ќе бараат истрага и одговорност за сите мистерии во врска со овој проект бидејки уште од стартот рудникот Иловица се води како државна тајна. За Костадин Ристоманов чуден е тајмингот на заседавање и  пресудата на Управниот суд и како тоа министерството за економија сеуште ја нема добиено.

Управниот суд на 31 март годинава донесе пресуда во корист на Еуромакс која поднесе тужба откако лани летото не и беше доделена дозвола за експлоатација за металични минерални суровини. Истата не е правосилна со оглед дека министерството за економија има право на жалба до Вишиот управен суд. Министерот Бектеши неодамна кажа дека тие ја немаат добиено пресудата

Лани летото Владата на Еуромакс не и даде дозвола за експлотацијата а во декември беше одземена и концесијата на планината Огражден.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.