За 6 месеци треба да се изгради првата фаза од Домот на културата во Куклиш

376

По 9 години од опожарувањето на објектот почна да се гради нов Дом на културата во населеното место Куклиш. Станува збор за прва фаза која опфаќа уривање на градбата од стариот дом и изградба на нов во карабина фаза, за што средствата се обезбедени од Министерството за локална самоуправа и Општина Струмица.

,,По завршување на првата ќе пристапиме кон тендерирање и на втората фаза. Станува збор за нов модерен објект, кога градиме нешто ново треба да оставиме печат на нашето време. Сите луѓе оставаат печат во нивните мандати и мислам дека и јас и советниците од населеното место Куклиш треба да оставиме печат од нашиот мандат со нешто ново и модерно какво што заслужуваат жителите од ова населено  место,, рече градоначалникот Костадинов

Новиот Дом на култура до карабина фаза ќе ја гради струмичката фирма Пешо Инженеринг. Ова компанија на јавната аукција понуди најниска цена во конкуренција на други 9 фирми кои беа заинтересирани да ја реализираат првата фаза. Пешо Инженеринг работите треба да ги заврши за вкупна вредност од 6,8 милиони денари или за 110 илјади евра.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.