За првите 4 дена од ,,Мој ДДВ-Моја награда” 5 струмичани добија награди- објавени имињата на среќниците

2442

За 4 дена од наградната игра на Министерството за финансии ,,Мој ДДВ-Моја награда” пет струмичани освоија награди од дневното извлекување.  Двајца добија по илјада денари, едно лице две а двајца по три илјади денари. Тие нема да можат да учествуваат во понатамошните дневни извлекувања но и месечните.

За наградната игра што ја организира Министерството за финансии, граѓаните може да ги скенираат сите сметки, дури и оние на кои е изразено нула денари ДДВ. Наградниот фонд е половина милион евра, а ќе се доделат 3852 парични награди на дневна, месечна и две главни награди.

На дневна основа ќе се доделуваат четири награди по 1000 денари, три награди по 2000 денари и три награди по 3000 денари. Наградите ќе се влечат електронски, известувањето ќе се добива веднаш по скенирање на сметката. На месечно ниво предвидено е доделување 15 награди по 100.000 денари а доделувањето на главните награди од по 3.000.000 денари ќе биде на 18 март и 19 декември 2020 година

Добитници на дневните награди можете да ги видите на овој ЛИНК

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.