За месец дена, бројката на заболени со ковид -19 во Струмица зголемена дури за 4 пати

199

Струмица и регионот остануваат жариште на вирусот ковид-19.  Со 357 активни случаи заклучно со вчера и понатаму е втор регион во земјава веднаш зад скопскиот  со најголем број на инфицирани кои сеуште не се излекувани. Според категоризацијата на СЗО, како во скопскиот така и во струмичко има широко распространета трансмисија на вирусот во заедницата.

Податоците на Институтот за јавно здравје говорат дека за седум дена (11-17.10) во Струмица и регионот  евидентирани се 158 новозаболени. Последните 4 дена бројката на новозабоелени постојано е околу 30. Во периодот пак за претходните седум дена ( 05- 11.10) во овој регион, вирусот бил дијагностициран кај 134 нови лица.

Ако се направи подетален преглед  во ковид статистиката што ја објавуваат здравствените власти,  на 17 септември во Струмица имало 142 заболени и  77 активни случаи со ковид-19,  додека на 17 октомври  569 заболени  а бројката на активни се зголемила  речиси за 5 пати и изнесува 357.

Здравствените власти  тврдат  дека зголемената бројка на позитивни во Струмица се должи пред се заради непочитување на физичката дистанца и неносењето маска. Како што информираа пред десетина дена, младите со нивните групирања и забави биле причина за широката распространетост на вирусот, иако не покажувале сиптоми.

На инфективно и дневниот ковид центар при струмичката болница веќе со денови нема слободни кревети за лекување. Од таму апелираат до сите на строго почитување на мерките, задолжително носење на маска и да се избегнуваат групирањата но и да се врши честа дезинфекција на рацете.

Инаку од почетокот на епидемијата во земјава, во Струмица и регионот  до вчера вирусот бил дијагностициран кај 569 лица, 194 оздравеле, 18 починале а сеуште како заболени се водат 357 лица.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.