За една година треба да биде готов булеварскиот мост на Водочница кај автобуската во Струмица

377

Механизација на струмички Жикол интензивно работи на изградба на булеварскиот мост на река Водочница кај автобускатаво Струмица. Станува збор за сообраќајно решение кое ќе овозможи поврзување на Струмица со Урбан блок 9 каде се планира изградба на новиот пазар. Според склучениот договор меѓу општина Струмица и фирмата Жикол булеварскиот мост на река Водочница на трасата на улицата Братство Единство, треба да биде готов во рок од една година

Според најавите мостот со две сообраќајни ленти ќе биде со должина од 15 и широчина од 23 метри. Целата инвестиција чини 479 илјади евра или 29 милиони 478 илјади денари кои се обезбедени од Буџетот на општината а плаќањето на изведените работи ќе се врши во рок до 60 дена по доставувањет на потпишана и заверена времена ситуација

,,Да се има визија за Струмица значи да се инвестира во сериозни капитални проекти дури и во време на најголемите кризи. Почеток на реализација на првиот булеварски мост во Струмица. Струмица и пркоси на кризата, затоа сме најсилната општина во државата,, објави градоначалникот Костадин Костадинов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.