За еден ден дури 55 новозаболени од ковид-19 во Струмица, бројката на активни скокна на 458 случаи

730

Во последните 24 часа во Струмица и регионот регистрирани се 55 новозаболени лица од коронавирус. Ова е најголема бројка на позитивни за еден ден во овој регион кој и понатаму останува втор веднаш зад скопскиот со најголем број на активни случаи со ковид-19. Во дневната ковид статистика на здравствените власти во гевгелискиот микро регион евидентирани се 13 новозаболени, во Радовиш 10 а во Валандово двајца.

На ниво на држава  регистрирани се 870 нови случаи на ковид-19 од направени 2.647 тестови, а починаа 14 пациенти по компликации од ковид-19 за 24 часа од кои едно лице од Струмица на возраст од 68 години и од Радовиш на возраст од 72 години. Починале во болнички услови.

За последните 24 часа Институтот за јавно здравје регистрира 292 оздравени пациенти меѓу кои од Гевгелија-5, Струмица-26, Радовиш-7, и  Валандово-3 лица.

Според завршните епидемиолошки анализи дистрибуцијата на заболени и активни во градовите од Југоистокот изгледа вака:

Гевгелија 345, активни 168 (18 лица се жители на Дојран, 52 на Богданци )
• Струмица 817, активни 458
• Радовиш 217, активни 79
• Валандово 95, активни 33

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.