За два дена се искористија парите за субвенции за велосипед во Струмица, поддршка ќе добијат 229 струмичани

1424

За само два дена по објавувањето на Јавниот повик, Фондот за субвенционирање за купување нов велосипед во износ од 800 илјади денари е целосно искористен. Комисијата ги разгледа пристигнатите апликации и прифатени се вкупно 229, од кои последна прифатена е апликацијата доставена денеска точно во 10:30 часот. Девет барања се одбиени заради нецелосна документација или  неисполнување на критериумите, информираа од општина Струмица.

Големиот интерес покажува дека градоначалникот Коста Јаневски и општина Струмица оваа мерка ја донесоа во вистински момент препознавајќи ги потребите на граѓаните. Истовремено, тоа значи дека овој проект може да продолжи и наредната година со издвојување на уште поголем износ на средства од општинскиот буџет.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.