Зачестија пожарите на отворено, во Валандово гореа лозови и овошни насади, во Струмица пластеници со пипер кај Дабиле

1663

Деновиве зачестија пожарите на отворено, каде најчесто заради запалена сува трева страдаат и земјоделски посеви. Струмичките пожарникари на својата ФБ стрна деновиве објавуваа повеќе интервенции на запалена сува трева во атарите на повеќе населени места при што опожарени беа и нискостеблеста шума но и земјоделска механизација.

Според СВР, вчера на место викано „Дата јавори“ атар на Валандово настанал пожар во кој биле опожарени околу 2 хектари лозов насад , смокви , калинки и ниска тревната површина. Пожарот бил изгаснат од страна на Противпожарната единица Валандово, а увид на местото бил извршен од екипа на полицијата од Валандово.

Пожар бил пријавен и од жител на Дабиле што се случил на патот Дабиле-Петралинци. Биле опожарени земјоделски површини, пластеници и засаден пипер во истите, овоштарник со 70 стебла сливи , 1 орев, 1 помошен објект -шупа во кој имало жито , ракија и зајаци , расцепени огревни дрва, една моторна алатка фреза , една приколка за моторно возило, систем за наводнување капка по капка и клас од пченка, кои биле сопственост на лица од струмичкото село Дабиле.

Увид на местото извршиле инспектор од Дирекција за заштита и спасување и екипа од Секторот за внатрешни работи Струмица

фото Пожарникари Струмица

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.